गजल
त्यति सस्तो किन ठान्यौ, तिम्ले पा’को मेरो माया;
बिना स्वार्थ दिलै देखी , उर्लि आ’को मेरो माया ।
(१)
यति छिटै बिर्सी दियौ, मानकहरु जिन्दगीका ;
प्रकृतिलाई साक्षी राखी, हिजै ला’को मेरो माया ।
(२)
सुनै खानु, सुनै पिउनु, सुनै ओढि निदाउनु ;
कहिले पनि नसम्झनु,बिर्सी गा’को मेरो माया।
(३)
लाग्यो होला तिमीलाई, माया एउटा खेल जस्तो;
मलाई भने दुखाई भो, घाउ भा’को मेरो माया ।
(४)
गल्ती ठुलो मेरै थियो , तिम्लाई मुटु सुम्पी दिएँ;
न निल्नु न ओकल्नु भो, तातै खा’को मेरो माया ।
रचना: यज्ञ प्रसाद गिरी आनन्दबस्ती,
ललितपुर चैत्र १, २०२७ साल
No comments:
Post a Comment