<गजल
उदाउन नपाँउदै, अस्ताउने कति छन;
लक्षमा नपुग्दै, सुस्ताउने कति छन ।
(१)
स्वार्थ लोलुपता, जिवनको बाटो मानेपछि,
समाजका घृणित, बिझाँउने कति छन ।
(२)
समाज सेवाको खोल, ओडेर ब्वाँसाहरु;
छोटो समयमै , गन्हाँउने कति छन ।
(३)
जाति,धर्म, भाषा, भेग र पहिचान त के ;
आफैलाई निर्धक्क, भजाउने कति छन ।
(४)
एउटै प्रश्न मनमनै गर्छु, आफैसँग सधै ;
देशमा सोझो बाटो, समाउने कति छन?
यज्ञ प्रसाद गिरी
आनन्दबस्ती, ललितपुर
मग्सिर, २०७४ साल
No comments:
Post a Comment