गजल
नेता आफ्नै दुनो सोझ्याउन, ब्यस्त छन्;
जसरी बर्षौदेखि , उनिहरु अभ्यस्त छन ;
(१)
घुमाई-फिराई द्रब्य संकलनकै वरिपरी ;
सबै नेता तथा उनका, अधिनस्त छन्।
(२)
दाँत जस्ता भए पनि, बाहिर देखाउने ;
भित्र-भित्रै देश टुक्राउनमै, मस्त छन ।
(३)
रुग्ण हुदै गै रहेछ , देश दिन-प्रतिदिन ;
नेताहरु भने क्या ! चुस्त-दुरुस्त छन ।
(४)
देश कंगाल भयो, कंगाल पारिए जनता;
भष्ट्रहरुका खजाना, नोटले कुस्त छन ।
रचना: यज्ञ प्रसाद गिरी
आनन्दबस्ती, ललितपुर
माघ २३ गते, २०७१ साल
No comments:
Post a Comment