गजल बिर्सिएर आफैलाई , जिउनुको के अर्थ छ ; सधै मनको तुवाँलोमा, हुनुको’नि के अर्थ छ । (१) आफ्नै बाटो लाग्नु पर्छ, समयले कोल्टो फेर्दा; बिगतलाई सम्झिएर, रुनुको’नि के अर्थ छ । (२) समयको बहावले, नयाँ बन्छ परिस्थिति; दैवलाई सरापेर , कुर्लनुको के अर्थ छ । (३) कसैलाई ह्रदयको, चाहानाले छुन्न भने ; मुटुलाई चुलेसीमा, रेट्दिनुको के अर्थ छ । (४) ढुग्ङालाई ह्रदयमा , देव सरी पुजा गर्दै ; जिन्दगानी कसैलाइ, अर्पिनुको के अर्थ छ । रचना: यज्ञ प्रसाद गिरी आनन्दबस्ती, ललितपुर फागुन १४ गते, २०७१ साल