गजल
उल्टो-उल्टो काम गर्दै, जमानालाई दोष किन ?
कुठाँउमा पाइलो राखी, सिमानालाई दोष किन ?
(१)
कर्मले नै तोक्ने गर्छ, जित-हार जिन्दगीमा ;
हात बाँधी बस्ने गर्छौ , दैवसंग रोष किन ?
(२)
नदौडेरै जित्छ कस्ले, दौड जिन्दगीको यहाँ ;
काम गर्नु भन्दा अघि, राखिदैन होस किन ?
(३)
कुरा उल्टो, काम उल्टो, उल्टो सोचमात्र देख्छु;
राखिएको पाईदैन , सकारात्मक सोच किन ?
(४)
पवित्रतम् मान्ने गर्थ्यौ, हिजो हाम्रो सामिप्यता,
समयले कोल्टो फेर्दा, आज अपशोच किन ?
रचना: यज्ञ प्रसाद गिरी
आनन्दबस्ती, ललितपुर
माघ २२ गते, २०७१ साल
No comments:
Post a Comment