गजल
दुनियानै पराई छ , बिरानो मन भएपछी;
सुखद जिउनु बन्छ , सन्तोषी मन भएपछी।
(१)
अर्थहिन जिन्दगीका, सारा बिलासका कुरा;
ह्रदयमा असन्तुष्टि , सधै दनदन् भएपछी ।
(२)
फरक बुझ्नु जरुरी छ, पैसा र सुख बिचको;
सुख शान्ति हराउँछ, लोभ झनझन् बढेपछी ।
(३)
गाँठो फुकाउनै गाह्रो , आफैभित्र जेलिएको ;
आफ्नै सोच र कर्म, स्वत: अडचन भएपछी ।
(४)
आत्मसात गर्नु पर्छ ,सुख-दुख जिन्दगीका ;
उदाउलान चन्द्र, तारा, स्वच्छ गगन भएपछी।
रचना: यज्ञ प्रसाद गिरी
आनन्दबस्ती, ललितपुर
फागुन १३ गते, २०७१ साल
No comments:
Post a Comment