गजल पानीझै माटोमा तिमी, भिज्न थाल्यौ ; चुम्बकझै ह्रदय मेरो, खिच्न थाल्यौ । (१) आँखैमा तिमीलाई राखें, बिझाईनौ तर: मुटुभित्र चस्स-चस्स बिझ्न थाल्यौ । (२) लाग्दैन्थ्यो नकारात्मक पक्ष केही ; नियमहरु सुस्त-सुस्त मिच्न थाल्यौ। (३) हरण गर्यौ मेरो मुटु, मैबाट नै ; निर्लज्ज भै उल्टै तिमी, हाँस्न थाल्यौ ; (४) त्यति सस्तो मुटु मेरो, कहाँ हो र ? बेमोलमै ह्रदय यो, लुट्न थाल्यौ । (५) थाहा छैन किन यस्तो ब्यथा लाग्यो; मुटुभित्र कता-कता दुख्न थाल्यौ । रचना: यज्ञ प्रसाद गिरी आनन्दबस्ती, ललितपुर कार्तिक २३ गते, २०७०