गजल बिदेशीले बजाउने, मादल बन्यौ तिमी; जहिले’नि अशान्तीको, बादल बन्यौ तिमी । (१) थाहै हुन्न तिम्रो भित्री, निशाना छ कता; भस्मासुर राक्षसका, मोडेल बन्यौ तिमी । (२) लाज घिन पचाएर, मत मागी हिड्छौ ; निच नेताहरुको'नि दलाल बन्यौ तिमी । (३) सिनो जस्तै कुहिएर समाजमा हाम्रो ; गन्हाउने फोहरको आहाल बन्यौ तिमी । (४) सिध्दान्त र नारा सारा बनावटी कुरा ; यथार्तमा सबै सामु कंगाल बन्यौ तिमी । रचना: यज्ञ प्रसाद गिरी आनन्दबस्ती, ललितपुर कार्तिक २६ गते, २०७०