<गजल छुट्टिएर तिमीसंग, बाँच्नै गाह्रो भा'छ ; सुस्त-सुस्त दुखाईको, मात प्यारो भा'छ ; (१) भनुँ भने के भनुँ खै, भन्न चाँहदैन ; आज तिम्रो उपेक्षाले, मन अध्याँरो भा'छ । (२) फूल जस्तो रुप थियो, नौनी जस्तो मन ; ढुग्ङा जस्तो किन होला, सारै साह्रो भा'छ । (३) हराएछु जिन्दगीको , सुनामीमा परी; हिजो भन्दा आज खुसी, झन उधारो भा'छ । (४) कहाँ लगी घोप्ट्याउनु, ब्यथित मन मेरो ; गजल मेरो पीर पोख्ने, ढुग्ङे धारो भा'छ । यज्ञ प्रसाद गिरी आनन्दबस्ती, ललितपुर २०७१ साल श्रावण, २७ गते