गजल
सिक्ने कम, सिकाउने धेरै भए ;
पठाउने कम, झिकाउने धैरे भए .
(१)
देशमा दल त कति छन कति,
मिल्ने कम, बिझाउने धेरै भए .
(२)
कपुत र सपुत क-कसलाई भनु,
कमाउने कम, उडाउने धेरै भए .
(३)
कस्को के नीति उनिहरुनै जानुन,
देशको पहिचान मेटाउने धेरै भए .
(४)
सही ,गलत, कसलाई के मतलब,
होमा हो मिलाउने धेरै भए .
(५)
दुष्टहरुको आखामा परेको छ देश;
सचेत कम , निदाउने धेरै भए .
यज्ञ प्रसाद गिरी
आनन्दबस्ती, ललितपुर
पुस ४, २०७३
No comments:
Post a Comment