गजल
यसो हेर्दा सरल जस्तो; बहावमा तरल जस्तो ;
तिम्रो माया किन होला, बालुवाको महल जस्तो ।
(१)
कुनै फरक कहाँ छ र ? नयाँ होस वा पुरानोमा ;
यस्तो लाग्छ यो माया’नि , एकोहोरो पहल जस्तो ।
(२)
चस्स-चस्स बिझी राख्छ, मेरो माया ह्रदयमा ;
सधै बाजी हारी राख्ने, चिडियाको नहल जस्तो।
(३)
कुनै कुरा किन होला, प्यारो लाग्ने बिझाउँदा ;
मदिराको मातकोझै , केही रहल-पहल जस्तो।
(४)
हुनु पर्छ चाहनामा, गहनता र पवित्रता ;
नहोस प्रेम भिखारीझै, चाकरी र टहल जस्तो ।
रचना: यज्ञ प्रसाद गिरी
अनन्दबस्ती ललितपुर
श्रावन १९ गते, २०७४ साल
No comments:
Post a Comment