गजल
कोहि बेलायत, कतार , दुबई, कलकतामा ;
कोही ब्यस्त माटो खोस्रदै, रानिमत्तामा ।
(१)
राष्ट्र सेवक भनिने गरेको छ उसैलाई ;
जसको अर्जुन दृष्टी छ, तलब भत्तामा ।
(२)
समाजसेवी बनेर कोही नाटक गर्छन ।
जसको नजर सदैव रहन्छ, सत्तामा ।
(३)
दैव जानोस के लेखिएको छ पुस्तकभित्र ;
सारा आकर्षण देखिन्छ, बाहिरी गत्तामा ।
(४)
अनुहार र ब्यवहारले उ डकैत नै लाग्छ ;
तर संलग्नता छ राजनैतिक, जत्थामा ।
(५)
विवेकशुन्य परपाटी , मौलाउँदै गा’को देख्दा;
लाग्छ कलम पनि, कचकच् गर्छ बित्थामा।
रचना : यज्ञ प्रसाद गिरी
आनन्दबस्ती, ललितपुर
बैशाख २ गते बुधबार, २०७२ साल
No comments:
Post a Comment