गजल रूखमा बसी, चरीले गायो, बिहान - बिहानै ; ह्रदयभित्र , उमग्ङ छायो, बिहान – बिहानै । (१) प्रतिक्षा तिम्रै, गरेर बस्ने , ब्यग्र यो मनले ; सम्झना गर्‌यौ, राहत पायो, बिहान-बिहानै । (२) ह्रदय खोली, बोलेको बोली ,गुन्जियो कानमा ; आशाको सुर्य, पुन: उदायो , बिहान - बिहानै । (३) कहानी हाम्रो, के बिधि राम्रो, स्वर्णिम समय; अतित फेरी, ब्युझेर आयो, बिहान - बिहानै । (४) सुर्यको न्यानो,स्पर्श पायी, हिमाल खुसी भै ; प्रितको मिठो, सुवाश ल्यायो , बिहान –बिहानै । रचना : यज्ञ प्रसाद गिरी आनन्दबस्ती, ललितपुर चैत्र २२ गते आईतबार, २०७१ साल