Wednesday, April 1, 2015
गजल
बुझ्नै कठिन रहेछ त्यो मन, गजबैको ;
अत्यन्त आकर्षक वदन, कसै-कसैको ।
(१)
स्वप्निल आँखा, गहिरा र घातक नजर ;
किन दैवले गर्यो चयन, कसै-कसैको ।
(२)
मृदु- मुस्कानको लहर,सौम्य मुहारमा;
अद्भुत ब्यक्तित्व गठन, कसै-कसैको ।
(३)
थाम्नै कठिन , उघारिने मनका ढोका;
हुरी सरी भो आगमन, कसै-कसैको ।
(४)
भो राजिनामा पुरै , जिन्दगी उसैलाई;
स्विकार भो मिठो दमन, कसै-कसैको ।
(५)
गरेर घात् बुझेर’नि, बुझ पचाउँदै ;
हुन खोज्दै छ बहिर्गमन ,कसै -कसैको ।
(६)
कसुर तिम्रै हो, कुल्च्यौ फूल, हेर्दै - नहेरी ;
उजाड भो जिवनको उपवन् , कसै-कसैको ।
यज्ञ प्रसाद गिरी
आनन्दबस्ती, ललितपुर
चैत्र १९ बिहीबार, २०७१ साल
Subscribe to:
Post Comments (Atom)
No comments:
Post a Comment