गजल तिंमी बिना कस्तो होला, यो दुनिया मेरो लागी; च्यातिएको रित्तो झोला, यो दुनिया मेरो लागी । (१) शुन्य-शुन्य वातावरण, शुन्य हुने प्रकृति नै ; पानीबिना मृत खोला, यो दुनिया मेरो लागी । (२) वियोगले बिक्षिप्त भै, मृत सतीदेबी बोकी, हिडेजस्तै भयो भोला, यो दुनिया मेरो लागी । (३) जिउनुमा न छ हर्ष, न मरणको त्रास कुनै , अर्थहिन भयो चोला, यो दुनिया मेरो लागी । (४) बिरानो भो गाँउ-घर, जिन्दगी नै बिरानो भो; अन्त्यहिन भयो गोला, यो जिन्दगी मेरोलागी। रचना: यज्ञ प्रसाद गिरी आनन्दबस्ती, ललितपुर माघ ८ गते, २०७१ साल