Thursday, January 22, 2015
गजल
चिउँडो बिनाको बिचित्र, दारी छ नेपालको ;
रिमोट राजनितिको, सिमापारी छ नेपालको।
(१)
माँग नभएर मुल्यहिन , बन्ने गरेंझै बस्तुहरु ;
महग्ङो बेईमानी, सस्तो इमान्दारी छ नेपालको ;
(२)
अनौठो नाटक हुने गरेको छ, सदा सर्वदा;
नेता नै ब्यापारी र भष्ट्राचारी छ नेपालको ।
(३)
लक्ष , योजना, कार्यक्रम र कार्यान्वयन ;
जे जति छ, सबै हावादारी छ नेपालको ।
(४)
यो, उ त्यो जो सुकै देखिए पनि सतहमा ;
शक्तिशाली नाता,कृपा र सारी छ नेपालको ।
(५)
दल,वाद र सिद्धान्त, मात्र नाम हुन पसलका;
टाउके सबैको सधै, अत्याचारी छ नेपालको ।
रचना: यज्ञ प्रसाद गिरी
आनन्दबस्ती, ललितपुर
माघ ८ गते, २०७१ साल
Subscribe to:
Post Comments (Atom)
No comments:
Post a Comment