गजल
मान्छे भई दैवलाई, साथी किन सम्झन्छौ;
आफुलाई अरुभन्दा, माथी किन सम्झन्छौ ।
(१)
लाखौ भक्तहरु सामु, सधै बोल्ने गरेका छौ ;
कुनै खास भक्तलाई, राती किन सम्झन्छौ ।
(२)
कुनै बेला लुकाउथ्यौ, आफ्नो पहिचान त्यही;
कुरै पिच्छै आजभोली, जाती किन सम्झन्छौ ।
(३)
हामीसंग छाट्ने गर्थ्यौ , आदर्शका कुरा सधै ;
लाभ बाड्न भाई,छोरा, नाती किन सम्झन्छौ ।
(४)
हिजोसम्म वर्ग शत्रु , भन्ने गर्थ्यौ तिनैलाई ;
आँखा चिम्ली आजभोली, जाती किन सम्झन्छौ ।
रचना: यज्ञ प्रसाद गिरी
आनन्दबस्ती, ललितपुर
माघ ४ गते, २०७१ साल
No comments:
Post a Comment