दिनैभरी कता थियौ , साझ परे,सी आयौ ;
दन्ते मोहनी लगाउथे , दाँत झरे,सी आयौ ।
(1)
फुल्दा फुल्दै सकिएछ , बसन्त मेरो दिलको ;
गोधुलीको पछी पछी, बेला टरे,सी आयौ ।
(2)
आउ बस कुरा गरौं , तिम्रो मेरो जवानीका ;
खहरेझै जवानीको , रहर मरे,सी आयौ ।
(3)
सरल अनि सहज थियो, उति बेला जिन्दगानी ;
समयको कुचक्रको गाठो परे,सी आयौ ।
(4)
कुर्दा कुर्दै , जिन्दगीले अर्कै कोल्टो फेरेपछी :
सँगै जिउने सँगै मर्ने , बाचा गरे,सी आयौ ।
रचना: यज्ञ प्रसाद गिरी
महालक्ष्मी न.पा. 4 , उत्तरगङा टोल , ललितपुर
मिति : 2077 साल भाद्र 17 गते
No comments:
Post a Comment