गजल

बन्दुक चल्ने गरेका छन आजभोली ;

कति ज्युदै मरेका छन आजभोली ।

(१)

बदलिदै छन जिन्दगीका मानकहरु ;

मान्छे बिषले भरेका छन आजभोली ।

(२)

चौबिसै घण्टा द्रब्यकै पछाडी दौड छ ;

मान्छेहरु झर्नु झरेका छन आजभोली ।

(३)

अनैतिक कमाई डान्सबारमा खन्याइन्छ;

यिनै काममा बानी परेका छन आजभोली ।

(४)

जो चोर छ उसैको ठुलो श्वर छ यहाँ ;

चोरनै ठुला हुने गरेका छन आजभोली ।

यज्ञ प्रसाद गिरी

आनन्दबस्ती, ललितपुर

फागुन २५ गते, २०७४ साल

गजल

दुश्मनका गोडा समाउनेहरु छन ;

देशलाई लुछेर रमाउनेहरु छन ।

(१)

के गर्दैन मान्छे स्वार्थपुर्तिको लागि ?

आफैलाई बेचेर कमाउनेहरु छन ।

(२)

समानताको भाषण फलाक्नेहरुनै ;

विभेदको पर्खाल लगाउनेहरु छन ।

(३)

राज्य सँयन्त्र चलाउने अदृश्य शक्ति ;

नजराना लिने र थमाउनेहरु छन ।

(४)

सानो द्रब्यपिचासको समुह हावी छ;

सबैजसो होमा हो मिलाउनेहरु छन।

यज्ञ प्रसाद गिरी

आनन्दबस्ती, ललितपुर

फागुन २५ गते, २०७४ साल