गजल
नेपाली किसानको, निन्दै-निन्दा हो ए.डी. एस. ;
बिदेशीको गफै-गफको,पुलिन्दा हो ए.डी. एस ।
(१)
आफ्नो योजना बनाउन नसक्ने लाछीलाई;
बिदेशी धुर्तहरुको,फगत चन्दा हो ए.डी. एस ।
(२)
डलर पारखीहरुले जति नै वाह! वाह! गरुन ;
वास्तवमा देशद्रोहीको, धन्दा हो ए.डी. एस ।
(३)
धेरैका कुदृष्टीहरु परेका छन, समष्टीमा यसमाथी;
गैससलाई भत्ता, रक्सी, काउली- बन्दा हो ए.डी. एस ।
(४)
ठुलै जमात संलग्न छ, बिकासे पाखण्डीको यस्मा ;
गन्देहरुले, गन्दा सोचले रचेको, गन्दा हो ए.डी. एस।
यज्ञ प्रसाद गिरी
आनन्दबस्ती, ललितपुर
चैत्र ९ गते, २०७२ साल
No comments:
Post a Comment