गजल छिमेकीको अति निकृष्ट अभिमान , नाकाबन्दी ; माछाको दाउमा बकुलाको ध्यान, नाकाबन्दी । (१) कथनी र करनीको हास्यास्पद, दृष्टान्त बन्यो ; तथाकथित ऋषिमनको बिष बमन, नाकाबन्दी । (२) हिजो पनि चिनेकै हो, किन बदलिन्थे रातारात ; बिस्तारबादको अन्यायी अग्रगमन, नाकाबन्दी । (३) बैईमानीलाई चलाखी मान्ने, समाजका उनीहरु; भन्दैछन गरेका छैनौ जानाजान, नाकाबन्दी । (४) सकिदैन आफ्नो बनाउन सर्पलाई, दुध पिलाएर; बन्दै छ देशद्रोहीहरुको पहिचान , नाकाबन्दी । रचना: यज्ञ प्रसाद गिरी आनन्दबस्ती, ललितपुर भदौ १३, २०७२ साल