Wednesday, September 23, 2015
गजल
ढोका छाडी झ्याँलबाट चिहाउने , कस्ता छिमेकी तिमी ?
अरुको सम्पदामा र्याल चुहाउने, कस्ता छिमेकी तिमी ?
(१)
कपडा त कपडा नै हो, कमर बेरे’नि, शिर ढाके’नि ;
फोहरीको लगौटीझै गन्हाउने , कस्ता छिमेकी तिमी ?
(२)
धर्म संस्कृति र छोरी-बेटीको सम्बन्धको’नि कुरा गर्ने;
अप्ठ्यारोमा पारी , धाँटी समाउने , कस्ता छिमेकी तिमी ?
(३)
छिमेकीहरुले बुझेका हुन्छन, आपसी कुरा एक-अर्काका;
जाना-जान आफैलाई नंग्याँउने, कस्ता छिमेकी तिमी ?
(४)
कहिले अंगालोमा बेर्न खोज्ने, आफ्नो स्वार्थ पुरा हुँदा ;
अन्यथा ब्वाँसोझै धम्काउने , कस्ता छिमेकी तिमी ?
रचना: यज्ञ प्रसाद गिरी
आनन्दबस्ती, ललितपुर
भदौ ७, २०७२ साल
Subscribe to:
Post Comments (Atom)
No comments:
Post a Comment