गजल
जसरी प्रख्यात छ प्राकृतिक सुन्दरता, नेपालको ;
त्यस्तै अमुल्य छ जैविक विविधता, नेपालको ।
(१)
औषधिय गुणयुक्त छन , हाम्रा बनस्पतिहरु ;
बन्ने छन भविश्यमा सम्पन्नता, नेपालको ।
(२)
कहाँ बुझ्यौ र खै ? प्रकृतिको वरदानलाई हामीले;
आफैभित्र निहित असिम सम्भाब्यता, नेपालको ।
(३)
आजै खोजौ, सदुपयोग तथा संरक्षण गरौ;
विश्वमै जैविक विविधताको अग्रता, नेपालको ।
(४)
अनुसन्धान , सदुपयोग र दिगो विकाशमा जुटौ ;
दिलोज्यानले प्रमाणित गरौ योग्यता , नेपालको ।
रचना: यज्ञ प्रसाद गिरी
आनन्दबास्ती, ललितपुर
जेठ ४ गते , २०७३ साल
No comments:
Post a Comment